دہر بھی میرؔ طرفہ مقتل ہے
جو ہے سو کوئی دم کو فیصل ہے
dahr bhi Mir turfa maqtal hai
jo hai so koi dam ko faisal hai
کثرت غم سے دل لگا رکنے
حضرت دل میں آج دنگل ہے
kasrat-e-gham se dil laga rukne
hazrat-e-dil mein aaj dangal hai
روز کہتے ہیں چلنے کو خوباں
لیکن اب تک تو روز اول ہے
roz kahte hain chalne ko khoobaan
lekin ab tak to roz-e-awwal hai
چھوڑ مت نقد وقت نسیہ پر
آج جو کچھ ہے سو کہاں کل ہے
chhod mat naqd-e-waqt nisya par
aaj jo kuchh hai so kahaan kal hai
بند ہو تجھ سے یہ کھلا نہ کبھو
دل ہے یا خانۂ مقفل ہے
band ho tujh se ye khula na kabhu
dil hai ya khaana-e-muqaffal hai
سینہ چاکی بھی کام رکھتی ہے
یہی کر جب تلک معطل ہے
seena-chaaki bhi kaam rakhti hai
yahi kar jab talak mu'attal hai
اب کے ہاتھوں میں شوق کے تیرے
دامن بادیہ کا آنچل ہے
ab ke haathon mein shauq ke tere
daaman-e-baadiya ka aanchal hai
ٹک گریباں میں سر کو ڈال کے دیکھ
دل بھی کیا لق و دق جنگل ہے
tuk girebaan mein sar ko daal ke dekh
dil bhi kya laq-o-daq jangal hai
ہجر باعث ہے بد گمانی کا
غیرت عشق ہے تو کب کل ہے
hijr baais hai bad-gumaani ka
ghairat-e-ishq hai to kab kal hai
مر گیا کوہ کن اسی غم میں
آنکھ اوجھل پہاڑ اوجھل ہے
mar gaya koh-kan isi gham mein
aankh ojhal pahaad ojhal hai
