بزم میں جو ترا ظہور نہیں
شمع روشن کے منہ پہ نور نہیں
bazm mein jo tera zuhoor nahin
sham'a-e-raushan ke munh pe noor nahin
کتنی باتیں بنا کے لاؤں ایک
یاد رہتی ترے حضور نہیں
kitni baaten bana ke laaun ek
yaad rahti tere huzoor nahin
خوب پہچانتا ہوں تیرے تئیں
اتنا بھی تو میں بے شعور نہیں
khoob pahchanta hun tere tain
itna bhi to main be-sha'oor nahin
قتل ہی کر کہ اس میں راحت ہے
لازم اس کام میں مرور نہیں
qatl hi kar ki is mein raahat hai
laazim is kaam mein muroor nahin
فکر مت کر ہمارے جینے کا
تیرے نزدیک کچھ یہ دور نہیں
fikr mat kar hamare jeene ka
tere nazdeek kuchh ye door nahin
پھر جئیں گے جو تجھ سا ہے جاں بخش
ایسا جینا ہمیں ضرور نہیں
phir jiyenge jo tujh sa hai jaan-bakhsh
aisa jeena hamen zaroor nahin
