بارہا گور دل جھنکا لایا
اب کے شرط وفا بجا لایا
baar-ha gor-e-dil jhanka laya
ab ke shart-e-wafa baja laya
قدر رکھتی نہ تھی متاع دل
سارے عالم میں میں دکھا لایا
qadr rakhti na thi mata-e-dil
saare aalam mein main dikha laya
دل کہ یک قطرہ خوں نہیں ہے بیش
ایک عالم کے سر بلا لایا
dil ki yak qatra khun nahin hai besh
ek aalam ke sar bala laya
سب پہ جس بار نے گرانی کی
اس کو یہ ناتواں اٹھا لایا
sab pe jis baar ne girani ki
us ko ye natawan utha laya
دل مجھے اس گلی میں لے جا کر
اور بھی خاک میں ملا لایا
dil mujhe us gali mein le ja kar
aur bhi khak mein mila laya
ابتدا ہی میں مر گئے سب یار
عشق کی کون انتہا لایا
ibtida hi mein mar gaye sab yaar
ishq ki kaun intiha laya
