وہ زمانہ نظر نہیں آتا
کچھ ٹھکانا نظر نہیں آتا
Vo zamaana nazar nahin aata
Kuchh Thikaana nazar nahin aata
جان جاتی دکھائی دیتی ہے
ان کا آنا نظر نہیں آتا
Jaan jaati dikhaai deti hai
Un ka aana nazar nahin aata
عشق درپردہ پھونکتا ہے آگ
یہ جلانا نظر نہیں آتا
Ishq dar-parda phoonkta hai aag
Ye jalaana nazar nahin aata
اک زمانہ مری نظر میں رہا
اک زمانہ نظر نہیں آتا
Ik zamaana miri nazar mein raha
Ik zamaana nazar nahin aata
دل نے اس بزم میں بٹھا تو دیا
اٹھ کے جانا نظر نہیں آتا
Dil ne us bazm mein biTha to diya
UTh ke jaana nazar nahin aata
رہیے مشتاق جلوۂ دیدار
ہم نے مانا نظر نہیں آتا
Rahiye mushtaaq-e-jalva-e-didaar
Ham ne maana nazar nahin aata
لے چلو مجھ کو راہروان عدم
یاں ٹھکانا نظر نہیں آتا
Le chalo mujh ko rah-ravaan-e-adam
Yaan Thikaana nazar nahin aata
دل پہ بیٹھا کہاں سے تیر نگاہ
یہ نشانہ نظر نہیں آتا
Dil pe baiTha kahaan se tiir-e-nigaah
Ye nishaana nazar nahin aata
تم ملاؤگے خاک میں ہم کو
دل ملانا نظر نہیں آتا
Tum milaaoge khaak mein ham ko
Dil milaana nazar nahin aata
آپ ہی دیکھتے ہیں ہم کو تو
دل کا آنا نظر نہیں آتا
Aap hi dekhte hain ham ko to
Dil ka aana nazar nahin aata
دل پر آرزو لٹا اے داغؔ
وہ خزانہ نظر نہیں آتا
Dil-e-pur-aarzu luTa ai Dagh
Vo khazaana nazar nahin aata
