کون سا طائر گم گشتہ اسے یاد آیا
دیکھتا بھالتا ہر شاخ کو صیاد آیا
Kaun sa taair-e-gum-gashta use yaad aaya
Dekhta bhaalta har shaakh ko sayyaad aaya
میرے قابو میں نہ پہروں دل ناشاد آیا
وہ مرا بھولنے والا جو مجھے یاد آیا
Mere qaabu mein na pahron dil-e-naashaad aaya
Vo mira bhoolne vaala jo mujhe yaad aaya
کوئی بھولا ہوا انداز ستم یاد آیا
کہ تبسم تجھے ظالم دم بیداد آیا
Koi bhoola hua andaaz-e-sitam yaad aaya
Ki tabassum tujhe zaalim dam-e-bedaad aaya
جذب وحشت ترے قربان ترا کیا کہنا
کھنچ کے رگ رگ میں مرے نشتر فصاد آیا
Jazb-e-vahshat tire qurbaan tira kya kahna
Khinch ke rag rag mein mire nishtar-e-fassaad aaya
بستیوں سے یہی آواز چلی آتی ہے
جو کیا تو نے وہ آگے ترے فرہاد آیا
Bastiyon se yahi aavaaz chali aati hai
Jo kiya tu ne vo aage tire Farhaad aaya
دل ویراں سے رقیبوں نے مرادیں پائیں
کام کس کس کے مرا خرمن برباد آیا
Dil-e-viraan se raqibon ne muraaden paaiin
Kaam kis kis ke mira khirman-e-barbaad aaya
عشق کے آتے ہی منہ پر مرے پھولی ہے بسنت
ہو گیا زرد یہ شاگرد جب استاد آیا
Ishq ke aate hi munh par mire phooli hai basant
Ho gaya zard ye shaagird jab ustaad aaya
ہو گیا فرض مجھے شوق کا دفتر لکھنا
جب مرے ہاتھ کوئی خامۂ فولاد آیا
Ho gaya farz mujhe shauq ka daftar likhna
Jab mire haath koi khaama-e-faulaad aaya
غم جاوید نے دی مجھ کو مبارک بادی
جب سنا یہ کہ انہیں شیوۂ بیداد آیا
Gham-e-jaaved ne di mujh ko mubaarak-baadi
Jab suna ye ki unhen shewa-e-bedaad aaya
شادیانہ جو دیا نالہ و شیون نے دیا
جب ملاقات کو ناشاد کی ناشاد آیا
Shaadiyaana jo diya naala-o-shevan ne diya
Jab mulaaqaat ko naashaad ki naashaad aaya
لیجئے سنئے اب افسانۂ فرقت مجھ سے
آپ نے یاد دلایا تو مجھے یاد آیا
Lijiye suniye ab afsaana-e-furqat mujh se
Aap ne yaad dilaaya to mujhe yaad aaya
آپ کی بزم میں سب کچھ ہے مگر داغؔ نہیں
ہم کو وہ خانہ خراب آج بہت یاد آیا
Aap ki bazm mein sab kuchh hai magar Dagh nahin
Ham ko vo khaana-kharaab aaj bahut yaad aaya
