کیا طرز کلام ہو گئی ہے
ہر بات پیام ہو گئی ہے
kya tarz-e-kalam ho gai hai
har baat payam ho gai hai
آگے تو نہیں نہیں سنی تھی
اب تکیہ کلام ہو گئی ہے
aage to nahin nahin suni thi
ab takiya-kalam ho gai hai
جاتے جاتے پیام بر کو
ہر صبح سے شام ہو گئی ہے
jaate jaate payam-bar ko
har subh se sham ho gai hai
اب دیکھیے مشق پائمالی
تعریف خرام ہو گئی ہے
ab dekhiye mashq-e-paimali
tarif-e-khiram ho gai hai
پہنچے ہیں جب اس کی بزم میں ہم
مجلس ہی تمام ہو گئی ہے
pahunche hain jab us ki bazm men ham
majlis hi tamam ho gai hai
عالم کو ہے دعوی محبت
یہ خاص بھی عام ہو گئی ہے
aalam ko hai dava-e-mohabbat
ye khas bhi aam ho gai hai
برباد نہ ہوگی تیری الفت
تجویز مقام ہو گئی ہے
barbad na hogi teri ulfat
tajviz-e-maqam ho gai hai
جاگیر جنوں کی قیس کے بعد
اب داغؔ کے نام ہو گئی ہے
jagir junun ki Qais ke baad
ab Dagh ke naam ho gai hai
