کسی کے دل سے کسی کی نظر سے گرتا ہوں
سنبھالنا ہے تو اے آسماں سنبھال مجھے
kisi ke dil se kisi ki nazar se girta hun
sambhalna hai to ai asman sambhal mujhe
امید بوسہ ہے پھر بھی اگرچہ یہ ہے یقیں
بہت ذلیل کرے گا مرا سوال مجھے
umid-e-bosa hai phir bhi agarche ye hai yaqin
bahut zalil karega mira saval mujhe
صدائے نالہ شب وصل بھی نہ دل سے گئی
پکارتی تھی یہ حسرت مری نکال مجھے
sada-e-nala shab-e-vasl bhi na dil se gai
pukarti thi ye hasrat miri nikal mujhe
پلا دے بزم میں ساقی اسے شراب اتنی
وہ مست ناز کہے مجھ سے تو سنبھال مجھے
pila de bazm mein saqi use sharab itni
vo mast-e-naz kahe mujh se tu sambhal mujhe
شکایتوں سے محبت کی اور کیا حاصل
کچھ انفعال تمہیں ہو کچھ انفعال مجھے
shikayaton se mohabbat ki aur kya hasil
kuchh infial tumhein ho kuchh infial mujhe
