جو دل قابو میں ہو تو کوئی رسوائے جہاں کیوں ہو
خلش کیوں ہو تپش کیوں ہو قلق کیوں ہو فغاں کیوں ہو
Jo dil qaabu mein ho to koi rusva-e-jahaan kyun ho
Khalish kyun ho tapish kyun ho qalaq kyun ho fughaan kyun ho
ہمیشہ آدمی کا آدمی غم خوار ہوتا ہے
یہی بے اعتباری ہو تو کوئی راز داں کیوں ہو
Hamesha aadmi ka aadmi gham-khwaar hota hai
Yahi be-etibaari ho to koi raazdaan kyun ho
انہیں کو رنجش بے جا ہے لیکن ہے تو ہم سے ہے
محبت گر نہ ہو باہم شکایت درمیاں کیوں ہو
Unhin ko ranjish-e-be-ja hai lekin hai to ham se hai
Mohabbat gar na ho baaham shikaayat darmiyaan kyun ho
گئے ٹھکرا کے مجھ کو اور پھر کہتے گئے یہ بھی
نصیب دشمناں تو پائمال آسماں کیوں ہو
Gaye thukra ke mujh ko aur phir kahte gaye ye bhi
Nasib-e-dushmanaan tu paaemaal-e-aasmaan kyun ho
نئی تاکید ہے ضبط محبت کی وہ کہتے ہیں
جگر ہو تو فغاں کیوں ہو دہن ہو تو زباں کیوں ہو
Nayi taakid hai zabt-e-mohabbat ki vo kahte hain
Jigar ho to fughaan kyun ho dahan ho to zabaan kyun ho
شریک دور مے بزم عدو میں خاک ہوتے ہم
کسی نے رات بھر اتنا نہ پوچھا تم یہاں کیوں ہو
Sharik-e-daur-e-mai bazm-e-adu mein khaak hote ham
Kisi ne raat bhar itna na poochha tum yahan kyun ho
تحمل کر سکے کیا حسن نازک ان نگاہوں کا
اسے میں نے چھپایا ہے وگرنہ وہ نہاں کیوں ہو
Tahammul kar sake kya husn-e-naazuk un nigaahon ka
Use main ne chhupaaya hai wagarna vo nihaan kyun ho
جگر سے کم نہیں اے چارہ گر داغ جگر مجھ کو
جو پیدا کی ہو مر مر کے وہ دولت رائیگاں کیوں ہو
Jigar se kam nahin ai chaara-gar daagh-e-jigar mujh ko
Jo paida ki ho mar mar ke vo daulat raaegaan kyun ho
نوید جاں فزا ہے کیا خبر قاتل کے آنے کی
بتاؤ تو سہی تم داغؔ ایسے شادماں کیوں ہو
Naved-e-jaan-faza hai kya khabar qaatil ke aane ki
Bataao to sahi tum Dagh aise shaadmaan kyun ho
