اس ادا سے وہ جفا کرتے ہیں
کوئی جانے کہ وفا کرتے ہیں
Is ada se vo jafa karte hain
Koi jaane ki vafa karte hain
یوں وفا عہد وفا کرتے ہیں
آپ کیا کہتے ہیں کیا کرتے ہیں
Yuun vafa ahd-e-vafa karte hain
Aap kya kahte hain kya karte hain
ہم کو چھیڑوگے تو پچھتاؤگے
ہنسنے والوں سے ہنسا کرتے ہیں
Ham ko chheDoge to pachhtaaoge
Hansne vaalon se hansa karte hain
نامہ بر تجھ کو سلیقہ ہی نہیں
کام باتوں میں بنا کرتے ہیں
Naama-bar tujh ko saliqa hi nahin
Kaam baaton mein bana karte hain
چلئے عاشق کا جنازہ اٹھا
آپ بیٹھے ہوئے کیا کرتے ہیں
Chaliye aashiq ka janaaza uTha
Aap baiThe hue kya karte hain
یہ بتاتا نہیں کوئی مجھ کو
دل جو آتا ہے تو کیا کرتے ہیں
Ye bataata nahin koi mujh ko
Dil jo aata hai to kya karte hain
حسن کا حق نہیں رہتا باقی
ہر ادا میں وہ ادا کرتے ہیں
Husn ka haq nahin rahta baaqi
Har ada mein vo ada karte hain
روتے ہیں غیر کا رونا پہروں
یہ ہنسی مجھ سے ہنسا کرتے ہیں
Rote hain ghair ka rona pahron
Ye hansi mujh se hansa karte hain
اس لیے دل کو لگا رکھا ہے
اس میں محبوب رہا کرتے ہیں
Is liye dil ko laga rakkha hai
Is mein mahboob raha karte hain
جھانک کر روزن در سے مجھ کو
کیا وہ شوخی سے حیا کرتے ہیں
Jhaank kar rauzan-e-dar se mujh ko
Kya vo shokhi se haya karte hain
اس نے احسان جتا کر یہ کہا
آپ کس منہ سے گلہ کرتے ہیں
Us ne ehsaan jata kar ye kaha
Aap kis munh se gila karte hain
روز لیتے ہیں نیا دل دلبر
نہیں معلوم یہ کیا کرتے ہیں
Roz lete hain naya dil dilbar
Nahin maaloom ye kya karte hain
داغؔ تو دیکھ تو کیا ہوتا ہے
جبر پر صبر کیا کرتے ہیں
Dagh tu dekh to kya hota hai
Jabr par sabr kiya karte hain
