ہیں بہت سے عاشق دلگیر جمع
تیرے ترکش میں ہیں کتنے تیر جمع
hain bahut se aashiq-e-dilgir jama
tere tarkash mein hain kitne tir jama
اچھی صورت سے ہمیں بھی عشق ہے
کرتے ہیں تصویر پر تصویر جمع
achchhi surat se hamen bhi ishq hai
karte hain tasvir par tasvir jama
کوچۂ قاتل میں آفت آ گئی
جب ہوئے دو چار بھی رہ گیر جمع
kucha-e-qatil mein aafat aa gai
jab hue do chaar bhi rahgir jama
یا لگا دو آگ یا لکھ دو جواب
ہو گیا ہے دفتر تحریر جمع
ya laga do aag ya likh do javab
ho gaya hai daftar-e-tahrir jama
تھوڑی تھوڑی ہی ملے اس در کی خاک
چٹکی چٹکی ہم کریں اکسیر جمع
thoDi thoDi hi mile us dar ki khak
chuTki chuTki ham karen iksir jama
خون دل کا چشم تر ٹھیکا نہ لے
اس سے ہونے کی نہیں توفیر جمع
khun-e-dil ka chashm-e-tar Theka na le
is se hone ki nahin taufir jama
کس طرح یکجا ہوں داغؔ اپنے عزیز
ہونے دیتی ہی نہیں تقدیر جمع
kis tarah yakja hon Dagh apne aziz
hone deti hi nahin taqdir jama
