اے فلک چاہیئے جی بھر کے نظارہ ہم کو
جا کے آنا نہیں دنیا میں دوبارہ ہم کو
ai falak chahiye ji bhar ke nazara ham ko
ja ke aana nahin duniya mein dobara ham ko
کبھی ایما نہ کنایہ نہ اشارہ ہم کو
کم نگاہی نے تری جان سے مارا ہم کو
kabhi ima na kinaya na ishara ham ko
kam-nigahi ne tiri jaan se mara ham ko
ہم کسی زلف پریشاں کی طرح اے تقدیر
خوب بگڑے تھے مگر خوب سنوارا ہم کو
ham kisi zulf-e-pareshan ki tarah ai taqdir
khub bigDe the magar khub sanvara ham ko
جب کھنچے ان سے ہوئے اور زیادہ مضطر
مرض عشق کے پرہیز نے مارا ہم کو
jab khinche un se hue aur ziyada muztar
maraz-e-ishq ke parhez ne mara ham ko
روز تکرار کرے کون خریداروں سے
دل کی اس گرمئ بازار نے مارا ہم کو
roz takrar kare kaun kharidaron se
dil ki is garmi-e-bazar ne mara ham ko
آپ سے اب نہ بنے گا کوئی سودا اپنا
پھیر دیجے دل بیتاب ہمارا ہم کو
aap se ab na banega koi sauda apna
pher dije dil-e-betab hamara ham ko
بحر ہستی میں ہوئے کشتیئ طوفانی ہم
نہیں ملتا کہیں اے داغؔ کنارہ ہم کو
bahr-e-hasti mein hue kashti-e-tufani ham
nahin milta kahin ai Dagh kinara ham ko
