آپ کا اعتبار کون کرے
روز کا انتظار کون کرے
aap ka etibar kaun kare
roz ka intizar kaun kare
ذکر مہر و وفا تو ہم کرتے
پر تمہیں شرمسار کون کرے
zikr-e-mehr o wafa to ham karte
par tumhein sharmsar kaun kare
ہو جو اس چشم مست سے بے خود
پھر اسے ہوشیار کون کرے
ho jo us chashm-e-mast se be-khud
phir use hoshyar kaun kare
تم تو ہو جان اک زمانے کی
جان تم پر نثار کون کرے
tum to ho jaan ik zamane ki
jaan tum par nisar kaun kare
آفت روزگار جب تم ہو
شکوۂ روزگار کون کرے
aafat-e-rozgar jab tum ho
shikwa-e-rozgar kaun kare
ہجر میں زہر کھا کے مر جاؤں
موت کا انتظار کون کرے
hijr mein zahr kha ke mar jaun
maut ka intizar kaun kare
آنکھ ہے ترک زلف ہے صیاد
دیکھیں دل کا شکار کون کرے
aankh hai turk zulf hai sayyad
dekhen dil ka shikar kaun kare
وعدہ کرتے نہیں یہ کہتے ہیں
تجھ کو امیدوار کون کرے
wada karte nahin ye kahte hain
tujh ko ummid-war kaun kare
داغؔ کی شکل دیکھ کر بولے
ایسی صورت کو پیار کون کرے
Dagh ki shakl dekh kar bole
aisi surat ko pyar kaun kare
