گو جوانی میں تھی کج رائی بہت
پر جوانی ہم کو یاد آئی بہت
Go jawani mein thi kaj-raai bahut
Par jawani hum ko yaad aai bahut
زیر برقع تو نے کیا دکھلا دیا
جمع ہیں ہر سو تماشائی بہت
Zer-e-burqa tu ne kya dikhla diya
Jama hain har su tamashai bahut
ہٹ پہ اس کی اور پس جاتے ہیں دل
راس ہے کچھ اس کو خود رائی بہت
Hat pe us ki aur pis jaate hain dil
Raas hai kuchh us ko khud-raai bahut
سرو یا گل آنکھ میں جچتے نہیں
دل پہ ہے نقش اس کی رعنائی بہت
Sarv ya gul aankh mein jachte nahin
Dil pe hai naqsh us ki ra'nai bahut
چور تھا زخموں میں اور کہتا تھا دل
راحت اس تکلیف میں پائی بہت
Choor tha zakhmon mein aur kahta tha dil
Rahat is takleef mein paai bahut
وصل کے ہو ہو کے ساماں رہ گئے
مینہ نہ برسا اور گھٹا چھائی بہت
Wasl ke ho ho ke saman rah gaye
Meenh na barsa aur ghata chhai bahut
جاں نثاری پر وہ بول اٹھے مری
ہیں فدائی کم تماشائی بہت
Jaan-nisari par wo bol uthe meri
Hain fidai kam tamashai bahut
کر دیا چپ واقعات دہر نے
تھی کبھی ہم میں بھی گویائی بہت
Kar diya chup waqiat-e-dahr ne
Thi kabhi hum mein bhi goyai bahut
گھٹ گئیں خود تلخیاں ایام کی
یا گئی کچھ بڑھ شکیبائی بہت
Ghat gayin khud talkhiyan ayyam ki
Ya gayi kuchh badh shakebai bahut
ہم نہ کہتے تھے کہ حالیؔ چپ رہو
راست گوئی میں ہے رسوائی بہت
Hum na kahte the ki Hali chup raho
Rast-goi mein hai ruswai bahut
