بات کچھ ہم سے بن نہ آئی آج
بول کر ہم نے منہ کی کھائی آج
Baat kuchh hum se ban na aai aaj
Bol kar hum ne munh ki khai aaj
چپ پر اپنی بھرم تھے کیا کیا کچھ
بات بگڑی بنی بنائی آج
Chup par apni bharam the kya kya kuchh
Baat bigdi bani banai aaj
شکوہ کرنے کی خو نہ تھی اپنی
پر طبیعت ہی کچھ بھر آئی آج
Shikwa karne ki khu na thi apni
Par tabiyat hi kuchh bhar aai aaj
بزم ساقی نے دی الٹ ساری
خوب بھر بھر کے خم لنڈھائی آج
Bazm saqi ne di ulat sari
Khoob bhar bhar ke khum lundhai aaj
چور ہے دل میں کچھ نہ کچھ یارو
نیند پھر رات بھر نہ آئی آج
Chor hai dil mein kuchh na kuchh yaaro
Neend phir raat bhar na aai aaj
زد سے الفت کی بچ کے چلنا تھا
مفت حالیؔ نے چوٹ کھائی آج
Zad se ulfat ki bach ke chalna tha
Muft Hali ne chot khai aaj
