اب وہ اگلا سا التفات نہیں
جس پہ بھولے تھے ہم وہ بات نہیں
Ab wo agla sa iltifat nahin
Jis pe bhoole the hum wo baat nahin
مجھ کو تم سے اعتماد وفا
تم کو مجھ سے پر التفات نہیں
Mujh ko tum se aitimad-e-wafa
Tum ko mujh se par iltifat nahin
رنج کیا کیا ہیں ایک جان کے ساتھ
زندگی موت ہے حیات نہیں
Ranj kya kya hain ek jaan ke saath
Zindagi maut hai hayat nahin
یوں ہی گزرے تو سہل ہے لیکن
فرصت غم کو بھی ثبات نہیں
Yun hi guzre to sahl hai lekin
Fursat-e-gham ko bhi sabaat nahin
کوئی دل سوز ہو تو کیجے بیاں
سرسری دل کی واردات نہیں
Koi dil-soz ho to kije bayan
Sarsari dil ki wardat nahin
ذرہ ذرہ ہے مظہر خورشید
جاگ اے آنکھ دن ہے رات نہیں
Zarra zarra hai mazhar-e-khurshid
Jaag ai aankh din hai raat nahin
قیس ہو کوہ کن ہو یا حالیؔ
عاشقی کچھ کسی کی ذات نہیں
Qais ho kohkan ho ya Hali
Aashiqi kuchh kisi ki zaat nahin
