وہی جواں ہے قبیلے کی آنکھ کا تارا
شباب جس کا ہے بے داغ، ضرب ہے کاری
Vahi javan hai qabile ki aankh ka tara
Shabab jis ka hai be-dagh, zarb hai kari
اگر ہو جنگ تو شیران غاب سے بڑھ کر
اگر ہو صلح تو رعنا غزال تاتاری
Agar ho jang to sheran-e-ghab se badh kar
Agar ho sulh to rana ghazal-e-Tatari
عجب نہیں ہے اگر اس کا سوز ہے ہمہ سوز
کہ نیستاں کے لیے بس ہے ایک چنگاری
Ajab nahin hai agar us ka soz hai hama-soz
Ki nayistan ke liye bas hai ek chingari
خدا نے اس کو دیا ہے شکوہِ سلطانی
کہ اس کے فقر میں ہے حیدری و کراری
Khuda ne us ko diya hai shukoh-e-sultani
Ki us ke faqr mein hai Haidari-o-Karrari
نگاہ کم سے نہ دیکھ اس کی بے کلاہی کو
یہ بے کلاہ ہے سرمایۂ کلہ داری
Nigah-e-kam se na dekh us ki be-kulahi ko
Ye be-kulah hai sarmaya-e-kulah-dari
