کھل تو جاتا ہے مغنی کے بم و زیر سے دل
نہ رہا زندہ و پائندہ تو کیا دل کی کشود
Khul to jaata hai mughanni ke bam-o-zer se dil
Na raha zinda-o-painda to kya dil ki kushud
ہے ابھی سینۂ افلاک میں پنہاں وہ نوا
جس کی گرمی سے پگھل جائے ستاروں کا وجود
Hai abhi sina-e-aflak mein pinhan vo nava
Jis ki garmi se pighal jaaye sitaron ka vujud
جس کی تاثیر سے آدم ہو غم و خوف سے پاک
اور پیدا ہو ایازی سے مقام محمود
Jis ki tasir se Adam ho gham-o-khauf se pak
Aur paida ho ayazi se maqam-e-Mahmud
مہ و انجم کا یہ حیرت کدہ باقی نہ رہے
تو رہے اور ترا زمزمۂ لا موجود
Mah-o-anjum ka ye hairat-kada baqi na rahe
Tu rahe aur tira zamzama-e-la-maujud
جس کو مشروع سمجھتے ہیں فقیہان خودی
منتظر ہے کسی مطرب کا ابھی تک وہ سرود
Jis ko mashru samajhte hain faqihan-e-khudi
Muntazir hai kisi mutrib ka abhi tak vo surud
