تو رہ نورد شوق ہے، منزل نہ کر قبول
لیلیٰ بھی ہم نشیں ہو تو محمل نہ کر قبول
tu rah-navard-e-shauq hai manzil na kar qubul
laila bhi ham-nashin ho to mahmil na kar qubul
اے جوئے آب بڑھ کے ہو دریائے تند و تیز
ساحل تجھے عطا ہو تو ساحل نہ کر قبول
ai ju-e-ab barh ke ho darya-e-tund-o-tez
sahil tujhe ata ho to sahil na kar qubul
کھویا نہ جا صنم کدۂ کائنات میں
محفل گداز! گرمیِ محفل نہ کر قبول
khoya na ja sanam-kada-e-kainat men
mahfil-gudaz garmi-e-mahfil na kar qubul
صبح ازل یہ مجھ سے کہا جبرئیل نے
جو عقل کا غلام ہو، وہ دل نہ کر قبول
subh-e-azal ye mujh se kaha jibril ne
jo aql ka ghulam ho vo dil na kar qubul
باطل دوئی پسند ہے، حق لا شریک ہے
شرکت میانۂ حق و باطل نہ کر قبول!
batil dui-pasand hai haq la-sharik hai
shirkat miyana-e-haq-o-batil na kar qubul
