عشق نے کر دیا تجھے ذوقِ تپش سے آشنا
بزم کو مثلِ شمعِ بزم حاصلِ سوز و ساز دے
Ishq ne kar diya tujhe zauq-e-tapish se ashna
Bazm ko misl-e-sham'-e-bazm hasil-e-soz o saz de
شانِ کرم پہ ہے مدار عشقِ گرہ کشاے کا
دیر و حرم کی قید کیا! جس کو وہ بے نیاز دے
Shan-e-karam pe hai madar ishq-e-girah-kusha ka
Dair o haram ki qaid kya! Jis ko woh beniyaz de
صورتِ شمع نور کی ملتی نہیں قبا اسے
جس کو خدا نہ دہر میں گریۂ جاں گداز دے
Surat-e-sham' noor ki milti nahin qaba use
Jis ko Khuda na dahr mein girya-e-jan-gudaz de
تارے میں وہ، قمر میں وہ، جلوہ گہِ سحر میں وہ
چشمِ نظارہ میں نہ تو سرمۂ امتیاز دے
Tare mein woh, qamar mein woh, jalwa-gah-e-sahar mein woh
Chashm-e-nazara mein na tu surma-e-imtiyaz de
عشق بلند بال ہے رسم و رہِ نیاز سے
حسن ہے مستِ ناز اگر تو بھی جوابِ ناز دے
Ishq buland-bal hai rasm o rah-e-niyaz se
Husn hai mast-e-naz agar tu bhi jawab-e-naz de
پیرِ مغاں! فرنگ کی مے کا نشاط ہے اثر
اس میں وہ کیفِ غم نہیں، مجھ کو تو خانہ ساز دے
Pir-e-mughan! Farang ki mai ka nishat hai asar
Is mein woh kaif-e-gham nahin, mujh ko to khana-saz de
تجھ کو خبر نہیں ہے کیا! بزم کہن بدل گئی
اب نہ خدا کے واسطے ان کو مئے مجاز دے
Tujh ko khabar nahin hai kya! Bazm-e-kuhan badal gai
Ab na Khuda ke waste in ko mai-e-majaz de
