زندگانی ہے مری مثلِ ربابِ خاموش
جس کی ہر رنگ کے نغموں سے ہے لبریز آغوش
Zindagani hai meri misl-e-rabab-e-khamosh
Jis ki har rang ke naghmon se hai labrez aghosh
بربطِ کون و مکاں جس کی خموشی پہ نثار
جس کے ہر تار میں ہیں سینکڑوں نغموں کے مزار
Barbat-e-kaun o makan jis ki khamoshi pe nisar
Jis ke har tar mein hain sainkdon naghmon ke mazar
محشرستانِ نوا کا ہے امیں جس کا سکوت
اور منت کشِ ہنگامہ نہیں جس کا سکوت
Mahshar-istan-e-nawa ka hai amin jis ka sukut
Aur minnat-kash-e-hangama nahin jis ka sukut
آہ! امید محبت کی بر آئی نہ کبھی
چوٹ مضراب کی اس ساز نے کھائی نہ کبھی
Aah! Ummid mohabbat ki bar aai na kabhi
Chot mizrab ki is saz ne khai na kabhi
مگر آتی ہے نسیمِ چمنِ طور کبھی
سمتِ گردوں سے ہوائے نفسِ حور کبھی
Magar aati hai nasim-e-chaman-e-Tur kabhi
Samt-e-gardun se hawa-e-nafas-e-hur kabhi
چھیڑ آہستہ سے دیتی ہے مرا تارِ حیات
جس سے ہوتی ہے رہا روحِ گرفتارِ حیات
Chhed ahista se deti hai mera tar-e-hayat
Jis se hoti hai riha ruh-e-giraftar-e-hayat
نغمۂ یاس کی دھیمی سی صدا اٹھتی ہے
اشک کے قافلے کو بانگِ درا اٹھتی ہے
Naghma-e-yas ki dhimi si sada uthti hai
Ashk ke qafile ko bang-e-dara uthti hai
جس طرح رفعتِ شبنم ہے مذاقِ رم سے
میری فطرت کی بلندی ہے نوائے غم سے
Jis tarah rif'at-e-shabnam hai mazaq-e-ram se
Meri fitrat ki bulandi hai nawa-e-gham se
