مضطرب رکھتا ہے میرا دلِ بے تاب مجھے
عینِ ہستی ہے تڑپ صورتِ سیماب مجھے
موج ہے نام مرا، بحر ہے پایاب مجھے
ہو نہ زنجیر کبھی حلقۂ گرداب مجھے
آب میں مثلِ ہوا جاتا ہے توسن میرا
خارِ ماہی سے نہ اٹکا کبھی دامن میرا
Muztarib rakhta hai mera dil-e-betab mujhe
Ain-e-hasti hai tarap surat-e-simab mujhe
Mauj hai naam mera, bahr hai payab mujhe
Ho na zanjir kabhi halqa-e-girdab mujhe
Aab mein misl-e-hawa jata hai tausan mera
Khar-e-mahi se na atka kabhi daman mera
میں اچھلتی ہوں کبھی جذبِ مہِ کامل سے
جوش میں سر کو پٹکتی ہوں کبھی ساحل سے
ہوں وہ رہرو کہ محبت ہے مجھے منزل سے
کیوں تڑپتی ہوں، یہ پوچھے کوئی میرے دل سے
زحمتِ تنگیِ دریا سے گریزاں ہوں میں
وسعتِ بحر کی فرقت میں پریشاں ہوں میں
Main uchhalti hun kabhi jazb-e-mah-e-kamil se
Josh mein sar ko patakti hun kabhi sahil se
Hun woh rahrau ke mohabbat hai mujhe manzil se
Kyun tarapti hun, ye puchhe koi mere dil se
Zahmat-e-tangi-e-darya se gurezan hun main
Wusat-e-bahr ki furqat mein pareshan hun main
