ٹوٹ کر خورشید کی کشتی ہوئی غرقابِ نیل
ایک ٹکڑا تیرتا پھرتا ہے روئے آبِ نیل
Toot kar khurshid ki kashti hui gharqab-e-Neel
Ek tukra tairta phirta hai ru-e-ab-e-Neel
طشتِ گردوں میں ٹپکتا ہے شفق کا خونِ ناب
نشترِ قدرت نے کیا کھولی ہے فصدِ آفتاب
Tasht-e-gardun mein tapakta hai shafaq ka khun-e-nab
Nashtar-e-qudrat ne kya kholi hai fasd-e-aftab
چرخ نے بالی چرا لی ہے عروسِ شام کی
نیل کے پانی میں یا مچھلی ہے سیمِ خام کی
Charkh ne bali chura li hai arus-e-sham ki
Neel ke pani mein ya machhli hai sim-e-kham ki
قافلہ تیرا رواں بے منتِ بانگِ درا
گوشِ انساں سن نہیں سکتا تری آوازِ پا
Qafila tera rawan be-minnat-e-bang-e-dara
Gosh-e-insan sun nahin sakta teri awaz-e-pa
گھٹنے بڑھنے کا سماں آنکھوں کو دکھلاتا ہے تو
ہے وطن تیرا کدھر، کس دیس کو جاتا ہے تو
Ghatne barhne ka saman ankhon ko dikhlata hai tu
Hai watan tera kidhar, kis des ko jata hai tu
ساتھ اے سیارۂ ثابت نما لے چل مجھے
خارِ حسرت کی خلش رکھتی ہے اب بے کل مجھے
Sath ae sayyara-e-sabit-numa le chal mujhe
Khar-e-hasrat ki khalish rakhti hai ab be-kal mujhe
نور کا طالب ہوں، گھبراتا ہوں اس بستی میں میں
طفلکِ سیماب پا ہوں مکتبِ ہستی میں میں
Noor ka talib hun, ghabrata hun is basti mein main
Tiflak-e-simab-pa hun maktab-e-hasti mein main
