میں سوئی جو اک شب تو دیکھا یہ خواب
بڑھا اور جس سے مرا اضطراب
main soi jo ik shab to dekha ye khvab
badha aur jis se mira iztirab
یہ دیکھا کہ میں جا رہی ہوں کہیں
اندھیرا ہے اور راہ ملتی نہیں
ye dekha ki main ja rahi hun kahin
andhera hai aur rah milti nahin
لرزتا تھا ڈر سے مرا بال بال
قدم کا تھا دہشت سے اٹھنا محال
larazta tha dar se mira baal baal
qadam ka tha dahshat se uthna muhal
جو کچھ حوصلہ پا کے آگے بڑھی
تو دیکھا قطار ایک لڑکوں کی تھی
jo kuchh hausla pa ke aage badhi
to dekha qatar ek ladkon ki thi
زمرد سی پوشاک پہنے ہوئے
دیے سب کے ہاتھوں میں جلتے ہوئے
zumurrad si poshak pahne hue
diye sab ke hathon men jalte hue
وہ چپ چاپ تھے آگے پیچھے رواں
خدا جانے جانا تھا ان کو کہاں
vo chup-chap the aage pichhe ravan
khuda jaane jaana tha un ko kahan
اسی سوچ میں تھی کہ میرا پسر
مجھے اس جماعت میں آیا نظر
isi soch men thi ki mera pisar
mujhe us jama'at men aaya nazar
وہ پیچھے تھا اور تیز چلتا نہ تھا
دیا اس کے ہاتھوں میں جلتا نہ تھا
vo pichhe tha aur tez chalta na tha
diya us ke hathon men jalta na tha
کہا میں نے پہچان کر میری جاں
مجھے چھوڑ کر آ گئے تم کہاں
kaha main ne pahchan kar meri jan
mujhe chhod kar aa gae tum kahan
جدائی میں رہتی ہوں میں بے قرار
پروتی ہوں ہر روز اشکوں کے ہار
judai men rahti hun main beqarar
piroti hun har roz ashkon ke haar
نہ پروا ہماری ذرا تم نے کی
گئے چھوڑ اچھی وفا تم نے کی
na parva hamari zara tum ne ki
gae chhod achchhi vafa tum ne ki
جو بچے نے دیکھا مرا پیچ و تاب
دیا اس نے منہ پھیر کر یوں جواب
jo bachche ne dekha mira pech-o-tab
diya us ne munh pher kar yun javab
رلاتی ہے تجھ کو جدائی مری
نہیں اس میں کچھ بھی بھلائی مری
rulati hai tujh ko judai miri
nahin is men kuchh bhi bhalai miri
یہ کہہ کر وہ کچھ دیر تک چپ رہا
دیا پھر دکھا کر یہ کہنے لگا
ye kah kar vo kuchh der tak chup raha
diya phir dikha kar ye kahne laga
سمجھتی ہے تو ہو گیا کیا اسے
ترے آنسوؤں نے بجھایا اسے
samajhti hai tu ho gaya kya ise
tire ansuon ne bujhaya ise
