دیار عشق میں اپنا مقام پیدا کر
نیا زمانہ نئے صبح و شام پیدا کر
dayar-e-ishq men apna maqam paida kar
naya zamana nae subh-o-sham paida kar
خدا اگر دل فطرت شناس دے تجھ کو
سکوت لالہ و گل سے کلام پیدا کر
khuda agar dil-e-fitrat-shanas de tujh ko
sukut-e-lala-o-gul se kalam paida kar
اٹھا نہ شیشہ گران فرنگ کے احساں
سفال ہند سے مینا و جام پیدا کر
utha na shisha-garan-e-farang ke ehsan
sifal-e-hind se mina-o-jam paida kar
میں شاخ تاک ہوں میری غزل ہے میرا ثمر
مرے ثمر سے مے لالہ فام پیدا کر
main shakh-e-tak hun meri ghazal hai mira samar
mire samar se mai-e-lala-fam paida kar
مرا طریق امیری نہیں فقیری ہے
خودی نہ بیچ غریبی میں نام پیدا کر
mira tariq amiri nahin faqiri hai
khudi na bech gharibi men nam paida kar
