قدرت کا عجیب یہ ستم ہے!
Qudrat ka ajib ye sitam hai!
انسان کو راز جو بنایا
راز اس کی نگاہ سے چھپایا
Insan ko raz jo banaya
Raz us ki nigah se chhupaya
بے تاب ہے ذوق آگہی کا
کھلتا نہیں بھید زندگی کا
Betab hai zauq aagahi ka
Khulta nahin bhed zindagi ka
حیرت آغاز و انتہا ہے
آئینے کے گھر میں اور کیا ہے
Hairat aaghaz o intiha hai
Aaine ke ghar mein aur kya hai
ہے گرمِ خرام موجِ دریا
دریا سوئے بحر جادہ پیما
Hai garm-e-khiram mauj-e-dariya
Dariya su-e-bahr jada-paima
بادل کو ہوا اڑا رہی ہے
شانوں پہ اٹھائے لا رہی ہے
Badal ko hawa uda rahi hai
Shanon pe uthaye la rahi hai
تارے مستِ شرابِ تقدیر
زندانِ فلک میں پا بہ زنجیر
Tare mast-e-sharab-e-taqdir
Zindan-e-falak mein pa-ba-zanjir
خورشید، وہ عابدِ سحر خیز
لانے والا پیامِ ’برخیز‘
Khurshid, woh abid-e-sahar-khez
Lane wala payam-e-'barkhez'
مغرب کی پہاڑیوں میں چھپ کر
پیتا ہے مئے شفق کا ساغر
Maghrib ki pahadiyon mein chhup kar
Pita hai mai-e-shafaq ka saghar
لذت گیرِ وجود ہر شے
سر مستِ مئے نمود ہر شے
Lazzat-gir-e-wujud har shai
Sarmast-e-mai-e-namud har shai
کوئی نہیں غم گسارِ انساں
کیا تلخ ہے روزگارِ انساں!
Koi nahin gham-gusar-e-insan
Kya talkh hai rozgar-e-insan!
