اے ہمالہ اے فصیل کشور ہندوستاں
چومتا ہے تیری پیشانی کو جھک کر آسماں
تجھ میں کچھ پیدا نہیں دیرینہ روزی کے نشاں
تو جواں ہے گردش شام و سحر کے درمیاں
ایک جلوہ تھا کلیم طور سینا کے لیے
تو تجلی ہے سراپا چشم بینا کے لیے
ai himala ai fasil-e-kishvar-e-hindostan
chumta hai teri peshani ko jhuk kar asman
tujh men kuchh paida nahin dirina-rozi ke nishan
tu javan hai gardish-e-sham-o-sahar ke darmiyan
ek jalva tha kalim-e-tur-e-sina ke liye
tu tajalli hai sarapa chashm-e-bina ke liye
امتحان دیدۂ ظاہر میں کوہستاں ہے تو
پاسباں اپنا ہے تو دیوار ہندستاں ہے تو
مطلع اول فلک جس کا ہو وہ دیواں ہے تو
سوئے خلوت گاہ دل دامن کش انساں ہے تو
برف نے باندھی ہے دستار فضیلت تیرے سر
خندہ زن ہے جو کلاہ مہر عالم تاب پر
imtihan-e-dida-e-zahir men kohistan hai tu
pasban apna hai tu divar-e-hindostan hai tu
matla-e-avval falak jis ka ho vo divan hai tu
su-e-khalvat-gah-e-dil daman-kash-e-insan hai tu
barf ne bandhi hai dastar-e-fazilat tere sar
khanda-zan hai jo kulah-e-mehr-e-alam-tab par
تیری عمر رفتہ کی اک آن ہے عہد کہن
وادیوں میں ہیں تری کالی گھٹائیں خیمہ زن
چوٹیاں تیری ثریا سے ہیں سرگرم سخن
تو زمیں پر اور پہنائے فلک تیرا وطن
چشمۂ دامن ترا آئینۂ سیال ہے
دامن موج ہوا جس کے لیے رومال ہے
teri umr-e-rafta ki ik aan hai ahd-e-kuhan
vadiyon men hain tiri kali ghataen khema-zan
chotiyan teri surayya se hain sargarm-e-sukhan
tu zamin par aur pahna-e-falak tera vatan
chashma-e-daman tira aina-e-sayyal hai
daman-e-mauj-e-hava jis ke liye rumal hai
ابر کے ہاتھوں میں رہوار ہوا کے واسطے
تازیانہ دے دیا برق سر کوہسار نے
اے ہمالہ کوئی بازی گاہ ہے تو بھی جسے
دست قدرت نے بنایا ہے عناصر کے لیے
ہائے کیا فرط طرب میں جھومتا جاتا ہے ابر
فیل بے زنجیر کی صورت اڑا جاتا ہے ابر
abr ke hathon men rahvar-e-hava ke vaste
taziyana de diya barq-e-sar-e-kohsar ne
ai himala koi bazi-gah hai tu bhi jise
dast-e-qudrat ne banaya hai anasir ke liye
haae kya fart-e-tarab men jhumta jata hai abr
fil-e-be-zanjir ki surat uda jata hai abr
جنبش موج نسیم صبح گہوارہ بنی
جھومتی ہے نشۂ ہستی میں ہر گل کی کلی
یوں زبان برگ سے گویا ہے اس کی خامشی
دست گلچیں کی جھٹک میں نے نہیں دیکھی کبھی
کہہ رہی ہے میری خاموشی ہی افسانہ مرا
کنج خلوت خانۂ قدرت ہے کاشانہ مرا
jumbish-e-mauj-e-nasim-e-subh gahvara bani
jhumti hai nashsha-e-hasti men har gul ki kali
yun zaban-e-barg se goya hai us ki khamushi
dast-e-gulchin ki jhatak main ne nahin dekhi kabhi
kah rahi hai meri khamoshi hi afsana mira
kunj-e-khalvat-khana-e-qudrat hai kashana mira
آتی ہے ندی فراز کوہ سے گاتی ہوئی
کوثر و تسنیم کی موجوں کو شرماتی ہوئی
آئینہ سا شاہد قدرت کو دکھلاتی ہوئی
سنگ رہ سے گاہ بچتی گاہ ٹکراتی ہوئی
چھیڑتی جا اس عراق دل نشیں کے ساز کو
اے مسافر دل سمجھتا ہے تری آواز کو
aati hai nadi faraz-e-koh se gati hui
kausar-o-tasnim ki maujon ko sharmati hui
aina sa shahid-e-qudrat ko dikhlati hui
sang-e-rah se gah bachti gah takrati hui
chhedti ja is iraq-e-dil-nashin ke saz ko
ai musafir dil samajhta hai tiri avaz ko
لیلئ شب کھولتی ہے آ کے جب زلف رسا
دامن دل کھینچتی ہے آبشاروں کی صدا
وہ خموشی شام کی جس پر تکلم ہو فدا
وہ درختوں پر تفکر کا سماں چھایا ہوا
کانپتا پھرتا ہے کیا رنگ شفق کوہسار پر
خوش نما لگتا ہے یہ غازہ ترے رخسار پر
laila-e-shab kholti hai aa ke jab zulf-e-rasa
daman-e-dil khinchti hai absharon ki sada
vo khamoshi sham ki jis par takallum ho fida
vo darakhton par tafakkur ka saman chhaya hua
kanpta phirta hai kya rang-e-shafaq kohsar par
khush-numa lagta hai ye ghaza tire rukhsar par
اے ہمالہ داستاں اس وقت کی کوئی سنا
مسکن آبائے انساں جب بنا دامن ترا
کچھ بتا اس سیدھی سادی زندگی کا ماجرا
داغ جس پر غازۂ رنگ تکلف کا نہ تھا
ہاں دکھا دے اے تصور پھر وہ صبح و شام تو
دوڑ پیچھے کی طرف اے گردش ایام تو
ai himala dastan us vaqt ki koi suna
maskan-e-aaba-e-insan jab bana daman tira
kuchh bata us sidhi sadi zindagi ka majra
dagh jis par ghaza-e-rang-e-takalluf ka na tha
han dikha de ai tasavvur phir vo subh-o-sham tu
daud pichhe ki taraf ai gardish-e-ayyam tu
