خدا سے حسن نے اک روز یہ سوال کیا
جہاں میں کیوں نہ مجھے تو نے لازوال کیا
Khuda se husn ne ik roz ye sawal kiya
Jahan mein kyun na mujhe tu ne la-zawal kiya
ملا جواب کہ تصویر خانہ ہے دنیا
شبِ درازِ عدم کا فسانہ ہے دنیا
Mila jawab ke tasvir-khana hai duniya
Shab-e-daraz-e-adam ka fasana hai duniya
ہوئی ہے رنگِ تغیر سے جب نمود اس کی
وہی حسیں ہے حقیقت زوال ہے جس کی
Hui hai rang-e-taghayyur se jab namud is ki
Wohi hasin hai haqiqat zawal hai jis ki
کہیں قریب تھا، یہ گفتگو قمر نے سنی
فلک پہ عام ہوئی، اخترِ سحر نے سنی
Kahin qarib tha, ye guftagu qamar ne suni
Falak pe aam hui, akhtar-e-sahar ne suni
سحر نے تارے سے سن کر سنائی شبنم کو
فلک کی بات بتا دی زمیں کے محرم کو
Sahar ne tare se sun kar sunai shabnam ko
Falak ki baat bata di zamin ke mahram ko
بھر آئے پھول کے آنسو پیامِ شبنم سے
کلی کا ننھا سا دل خون ہو گیا غم سے
Bhar aaye phool ke aansu payam-e-shabnam se
Kali ka nanha sa dil khoon ho gaya gham se
چمن سے روتا ہوا موسم بہار گیا
شباب سیر کو آیا تھا، سوگوار گیا
Chaman se rota hua mausam-e-bahar gaya
Shabab sair ko aaya tha, sogwar gaya
