تو شناسائے خراشِ عقدۂ مشکل نہیں
اے گلِ رنگیں ترے پہلو میں شاید دل نہیں
زیبِ محفل ہے، شریکِ شورشِ محفل نہیں
یہ فراغت بزمِ ہستی میں مجھے حاصل نہیں
اس چمن میں میں سراپا سوز و سازِ آرزو
اور تیری زندگانی بے گدازِ آرزو
Tu shanasa-e-kharash-e-uqda-e-mushkil nahin
Ae gul-e-rangin tere pahlu mein shayad dil nahin
Zeb-e-mahfil hai, sharik-e-shorish-e-mahfil nahin
Ye faraghat bazm-e-hasti mein mujhe hasil nahin
Is chaman mein main sarapa soz-o-saz-e-arzu
Aur teri zindagani be-gudaz-e-arzu
توڑ لینا شاخ سے تجھ کو مرا آئیں نہیں
یہ نظر غیر از نگاہِ چشمِ صورت بیں نہیں
آہ! یہ دستِ جفا جو اے گلِ رنگیں نہیں
کس طرح تجھ کو یہ سمجھاؤں کہ میں گلچیں نہیں
کام مجھ کو دیدۂ حکمت کے الجھیڑوں سے کیا
دیدۂ بلبل سے میں کرتا ہوں نظارہ ترا
Tod lena shakh se tujh ko mira aain nahin
Ye nazar ghair az nigah-e-chashm-e-surat-bin nahin
Aah! ye dast-e-jafa-ju ae gul-e-rangin nahin
Kis tarah tujh ko ye samjhaun ki main gulchin nahin
Kaam mujh ko dida-e-hikmat ke uljhedon se kya
Dida-e-bulbul se main karta hun nazzara tira
سو زبانوں پر بھی خاموشی تجھے منظور ہے
راز وہ کیا ہے ترے سینے میں جو مستور ہے
میری صورت تو بھی اک برگِ ریاضِ طور ہے
میں چمن سے دور ہوں، تو بھی چمن سے دور ہے
مطمئن ہے تو، پریشاں مثلِ بو رہتا ہوں میں
زخمیِ شمشیرِ ذوقِ جستجو رہتا ہوں میں
Sau zabanon par bhi khamoshi tujhe manzur hai
Raaz vo kya hai tere sine mein jo mastur hai
Meri surat tu bhi ik barg-e-riyaz-e-Tur hai
Main chaman se door hun, tu bhi chaman se door hai
Mutmain hai tu, pareshan misl-e-bu rahta hun main
Zakhmi-e-shamshir-e-zauq-e-justuju rahta hun main
یہ پریشانی مری سامانِ جمعیت نہ ہو
یہ جگر سوزی چراغِ خانۂ حکمت نہ ہو
ناتوانی ہی مری سرمایۂ قوت نہ ہو
رشکِ جامِ جم مرا آئینۂ حیرت نہ ہو
یہ تلاشِ متصل شمعِ جہاں افروز ہے
توسنِ ادراکِ انساں کو خرام آموز ہے
Ye pareshani miri saman-e-jamiyat na ho
Ye jigar-sozi charagh-e-khana-e-hikmat na ho
Natavani hi miri sarmaya-e-quvvat na ho
Rashk-e-jam-e-Jam mira aaina-e-hairat na ho
Ye talash-e-muttasil sham-e-jahan-afroz hai
Tausan-e-idrak-e-insan ko khiram-amoz hai
