گیسوئے تابدار کو اور بھی تابدار کر
ہوش و خرد شکار کر قلب و نظر شکار کر
gesu-e-tabdar ko aur bhi tabdar kar
hosh-o-khirad shikar kar qalb-o-nazar shikar kar
عشق بھی ہو حجاب میں حسن بھی ہو حجاب میں
یا تو خود آشکار ہو یا مجھے آشکار کر
ishq bhi ho hijab men husn bhi ho hijab men
ya to khud ashkar ho ya mujhe ashkar kar
تو ہے محیط بیکراں میں ہوں ذرا سی آب جو
یا مجھے ہمکنار کر یا مجھے بے کنار کر
tu hai muhit-e-bekaran main hun zara si ab-ju
ya mujhe ham-kinar kar ya mujhe be-kinar kar
میں ہوں صدف تو تیرے ہاتھ میرے گہر کی آبرو
میں ہوں خزف تو تو مجھے گوہر شاہوار کر
main hun sadaf to tere hath mere guhar ki aabru
main hun khazaf to tu mujhe gauhar-e-shahvar kar
نغمۂ نوبہار اگر میرے نصیب میں نہ ہو
اس دم نیم سوز کو طائرک بہار کر
naghma-e-nau-bahar agar mere nasib men na ho
is dam-e-nim-soz ko tairak-e-bahar kar
باغ بہشت سے مجھے حکم سفر دیا تھا کیوں
کار جہاں دراز ہے اب مرا انتظار کر
bagh-e-bahisht se mujhe hukm-e-safar diya tha kyun
kar-e-jahan daraz hai ab mira intizar kar
روز حساب جب مرا پیش ہو دفتر عمل
آپ بھی شرمسار ہو مجھ کو بھی شرمسار کر
roz-e-hisab jab mira pesh ho daftar-e-amal
aap bhi sharmsar ho mujh ko bhi sharmsar kar
