فقر کے ہیں معجزات تاج و سریر و سپاہ
فقر ہے میروں کا میر فقر ہے شاہوں کا شاہ
Faqr ke hain mojizat taj o sarir o sipah
Faqr hai miron ka mir faqr hai shahon ka shah
علم کا مقصود ہے پاکیٔ عقل و خرد
فقر کا مقصود ہے عفتِ قلب و نگاہ
Ilm ka maqsud hai paki-e-aql o khirad
Faqr ka maqsud hai iffat-e-qalb o nigah
علم فقیہ و حکیم فقر مسیح و کلیم
علم ہے جویائے راہ فقر ہے دانائے راہ
Ilm faqih o hakim faqr Masih o Kalim
Ilm hai joya-e-rah faqr hai dana-e-rah
فقر مقامِ نظر علم مقامِ خبر
فقر میں مستی ثواب علم میں مستی گناہ
Faqr maqam-e-nazar ilm maqam-e-khabar
Faqr mein masti savab ilm mein masti gunah
علم کا موجود اور فقر کا موجود اور
اشہد ان لا الٰہ اشہد ان لا الٰہ
Ilm ka maujud aur faqr ka maujud aur
Ash-hadu an la ilah ash-hadu an la ilah
چڑھتی ہے جب فقر کی سان پہ تیغِ خودی
ایک سپاہی کی ضرب کرتی ہے کارِ سپاہ
Chadhti hai jab faqr ki saan pe tegh-e-khudi
Ek sipahi ki zarb karti hai kar-e-sipah
دل اگر اس خاک میں زندہ و بیدار ہو
تیری نگہ توڑ دے آئینۂ مہر و ماہ
Dil agar is khak mein zinda o bedar ho
Teri nigah tod de aaina-e-mehr o mah
