ہے یہی میری نماز، ہے یہی میرا وضو
میری نواؤں میں ہے میرے جگر کا لہُو
Hai yahi meri namaz, hai yahi mera wuzu
Meri nawaon mein hai mere jigar ka lahu
صُحبتِ اہلِ صفا، نُور و حضور و سُرور
سر خوش و پُرسوز ہے لالہ لبِ آبُجو
Suhbat-e-ahl-e-safa, noor-o-huzoor-o-suroor
Sar-khush-o-pur-soz hai lala lab-e-aabju
راہِ محبّت میں ہے کون کسی کا رفیق
ساتھ مرے رہ گئی ایک مری آرزو
Rah-e-mohabbat mein hai kaun kisi ka rafiq
Saath mere reh gai ek meri aarzoo
میرا نشیمن نہیں درگہِ میر و وزیر
میرا نشیمن بھی تُو، شاخِ نشیمن بھی تُو
Mera nasheman nahin dargah-e-mir-o-wazir
Mera nasheman bhi tu, shakh-e-nasheman bhi tu
تجھ سے گریباں مرا مطلعِ صُبحِ نشور
تجھ سے مرے سینے میں آتشِ ’اَﷲ ھو‘
Tujh se gireban mera matla-e-subh-e-nushoor
Tujh se mere sine mein aatish-e-'Allah hu'
تجھ سے مری زندگی سوز و تب و درد و داغ
تُو ہی مری آرزو، تُو ہی مری جُستجو
Tujh se meri zindagi soz-o-tab-o-dard-o-dagh
Tu hi meri aarzoo, tu hi meri justuju
پاس اگر تُو نہیں، شہر ہے ویراں تمام
تُو ہے تو آباد ہیں اُجڑے ہُوئے کاخ و کُو
Paas agar tu nahin, shehr hai veeran tamam
Tu hai to aabad hain ujre hue kakh-o-ku
پھر وہ شرابِ کُہن مجھ کو عطا کر کہ مَیں
ڈھُونڈ رہا ہوں اُسے توڑ کے جام و سُبو
Phir wo sharab-e-kuhan mujh ko ata kar ke main
Dhoond raha hoon use tor ke jaam-o-subu
چشمِ کرم ساقیا! دیر سے ہیں منتظر
جلوَتیوں کے سُبو، خلوَتیوں کے کُدو
Chashm-e-karam saqiya! der se hain muntazir
Jalwatiyon ke subu, khalwatiyon ke kadu
تیری خدائی سے ہے میرے جُنوں کو گِلہ
اپنے لیے لامکاں، میرے لیے چار سُو!
Teri khudai se hai mere junoon ko gila
Apne liye la-makan, mere liye char su!
فلسفہ و شعر کی اور حقیقت ہے کیا
حرفِ تمنّا، جسے کہہ نہ سکیں رُو بُرو
Falsafa-o-sher ki aur haqiqat hai kya
Harf-e-tamanna, jise keh na saken ru-ba-ru
