دگرگوں جہاں ان کے زورِ عمل سے
بڑے معرکے زندہ قوموں نے مارے
digar-goon jahaan un ke zor-e-amal se
bade maarke zinda qaumon ne maare
منجم کی تقویمِ فردا ہے باطل
گرے آسماں سے پرانے ستارے
munajjim ki taqweem-e-farda hai baatil
gire aasmaan se puraane sitaare
ضمیرِ جہاں اس قدر آتشیں ہے
کہ دریا کی موجوں سے ٹوٹے ستارے
zameer-e-jahaan is qadar aatisheen hai
ke darya ki maujon se toote sitaare
زمیں کو فراغت نہیں زلزلوں سے
نمایاں ہیں فطرت کے باریک اشارے
zameen ko faraaghat nahin zalzalon se
numaayaan hain fitrat ke baareek ishaare
ہمالہ کے چشمے ابلتے ہیں کب تک
خضر سوچتا ہے ولر کے کنارے!
Himaala ke chashme ubalte hain kab tak
Khizr sochta hai Wular ke kinaare!
