اک رات ستاروں سے کہا نجمِ سحر نے
آدم کو بھی دیکھا ہے کسی نے کبھی بیدار؟
Ik raat sitaron se kaha najm-e-sahar ne
Adam ko bhi dekha hai kisi ne kabhi bedar?
کہنے لگا مریخ، ادا فہم ہے تقدیر
ہے نیند ہی اس چھوٹے سے فتنے کو سزاوار
Kahne laga Mirrikh, ada-faham hai taqdir
Hai nind hi is chhote se fitne ko sazavar
زہرہ نے کہا، اور کوئی بات نہیں کیا؟
اس کرمکِ شب کور سے کیا ہم کو سروکار
Zuhra ne kaha, aur koi baat nahin kya?
Is kirmak-e-shab-kor se kya ham ko sarokar
بولا مہِ کامل کہ وہ کوکب ہے زمینی
تم شب کو نمودار ہو، وہ دن کو نمودار
Bola mah-e-kamil ke vo kaukab hai zamini
Tum shab ko numudar ho, vo din ko numudar
واقف ہو اگر لذتِ بیداریٔ شب سے
اونچی ہے ثریا سے بھی یہ خاکِ پر اسرار
Vaqif ho agar lazzat-e-bedari-e-shab se
Unchi hai Surayya se bhi ye khak-e-pur-asrar
آغوش میں اس کی وہ تجلی ہے کہ جس میں
کھو جائیں گے افلاک کے سب ثابت و سیار
Aghosh mein is ki vo tajalli hai ke jis mein
Kho jaenge aflak ke sab sabit o sayyar
ناگاہ فضا بانگِ اذاں سے ہوئی لبریز
وہ نعرہ کہ ہل جاتا ہے جس سے دلِ کہسار
Nagah faza bang-e-azan se hui labrez
Vo nara ke hil jata hai jis se dil-e-kuhsar
