آزاد کی رگ سخت ہے مانندِ رگِ سنگ
محکوم کی رگ نرم ہے مانندِ رگِ تاک
aazaad ki rag sakht hai maanind-e-rag-e-sang
mahkoom ki rag narm hai maanind-e-rag-e-taak
محکوم کا دل مردہ و افسردہ و نومید
آزاد کا دل زندہ و پرسوز و طرب ناک
mahkoom ka dil murda o afsurda o naumeed
aazaad ka dil zinda o pursoz o tarabnaak
آزاد کی دولت دلِ روشن، نفسِ گرم
محکوم کا سرمایہ فقط دیدۂ نم ناک
aazaad ki daulat dil-e-raushan, nafas-e-garm
mahkoom ka sarmaaya faqat deeda-e-namnaak
محکوم ہے بیگانۂ اخلاص و مروت
ہر چند کہ منطق کی دلیلوں میں ہے چالاک
mahkoom hai begaana-e-ikhlaas o murawwat
har chand ke mantiq ki daleelon mein hai chaalaak
ممکن نہیں محکوم ہو آزاد کا ہمدوش
وہ بندۂ افلاک ہے، یہ خواجۂ افلاک
mumkin nahin mahkoom ho aazaad ka hamdosh
woh banda-e-aflaak hai, ye khwaaja-e-aflaak
