یہ دل ناداں ہمارا بھی عجب دیوانہ تھا
اس کو اپنا گھر یہ سمجھا تھا جو مہماں خانہ تھا
Ye dil-e-nadan hamara bhi ajab diwana tha
Is ko apna ghar ye samjha tha jo mehman-khana tha
تھے جو بیگانے یگانے ان کو گنتا تھا بجاں
اس قدر غفلت میں عقل و ہوش سے بیگانہ تھا
The jo begane yagane un ko ginta tha ba-jan
Is qadar ghaflat mein aql-o-hosh se begana tha
لے لیا معنی کو اور صورت کو جانا بے ثبات
غور سے دیکھا تو عالم میں وہی فرزانہ تھا
Le liya mani ko aur surat ko jana be-sabat
Ghaur se dekha to aalam mein wahi farzana tha
کیا غم اسباب ظاہر کا نہ ہو جس کو قیام
چشم معنی بیں میں یکساں ہے اگر تھا یا نہ تھا
Kya gham-e-asbab-e-zahir ka na ho jis ko qayam
Chashm-e-mani-bin mein yaksan hai agar tha ya na tha
خوب جو دیکھا نظیرؔ ان رفتگاں کا ماجرا
بہر خوف و عبرت آئندگاں افسانہ تھا
Khoob jo dekha Nazir un raftagan ka majra
Bahr-e-khauf-o-ibrat-e-aindagan afsana tha
