تو ہی نہ سنے جب دل ناشاد کی فریاد
پھر کس سے کریں ہم تری بیداد کی فریاد
Tu hi na sune jab dil-e-nashad ki faryad
Phir kis se karen hum tiri bedad ki faryad
تیشے کی وہ کھٹ کھٹ کا نہ تھا غلغلہ یارو
کی غور تو وہ تھی دل فرہاد کی فریاد
Teshe ki wo khat khat ka na tha ghulghula yaro
Ki ghaur to wo thi dil-e-Farhad ki faryad
کل رات کو اس شوخ کی جا کر پس دیوار
اک درد فراہم نے جو بنیاد کی فریاد
Kal raat ko us shokh ki ja kar pas-e-diwar
Ik dard-e-faraham ne jo buniyad ki faryad
سنتے ہی کہا اس نے کہ ہاں دیکھو تو اس جا
کس نے یہ بلکتی ہوئی ایجاد کی فریاد
Sunte hi kaha us ne ki haan dekho to is ja
Kis ne ye bilakti hui ijad ki faryad
فریاد نظیرؔ آگے ہی اس کے ہے بہت خوب
واں دیکھنے کا دیکھنا فریاد کی فریاد
Faryad Nazir aage hi us ke hai bahut khoob
Waan dekhne ka dekhna faryad ki faryad
