ترے مریض کو اے جاں شفا سے کیا مطلب
وہ خوش ہے درد میں اس کو دوا سے کیا مطلب
Tere mariz ko ae jaan shifa se kya matlab
Wo khush hai dard mein us ko dawa se kya matlab
فقط جو ذات کے ہیں دل سے چاہنے والے
انہیں کرشمہ و ناز و ادا سے کیا مطلب
Faqat jo zaat ke hain dil se chahne wale
Unhen karishma-o-naz-o-ada se kya matlab
نہال تازہ رہیں نامیہ کے منت کش
درخت خشک کو نشوونما سے کیا مطلب
Nihal taza rahen namiya ke minnat-kash
Darakht-e-khushk ko nashv-o-numa se kya matlab
مراد و مقصد و مطلب ہیں سب ہوس کے ساتھ
ہوس ہی مر گئی پھر مدعا سے کیا مطلب
Murad-o-maqsad-o-matlab hain sab hawas ke saath
Hawas hi mar gayi phir muddaa se kya matlab
مجھے وہ پوچھے تو اس کا ہی لطف ہے ورنہ
وہ بادشاہ ہے اسے مجھ گدا سے کیا مطلب
Mujhe wo puchhe to us ka hi lutf hai warna
Wo badshah hai use mujh gada se kya matlab
جو اپنے یار کے جور و جفا میں ہیں مسرور
انہیں پھر اور کے مہر و وفا سے کیا مطلب
Jo apne yaar ke jaur-o-jafa mein hain masrur
Unhen phir aur ke mehr-o-wafa se kya matlab
رضائے دوست جنہیں چاہئے بہ ہر صورت
نظیرؔ پھر انہیں اپنی رضا سے کیا مطلب
Raza-e-dost jinhen chahiye ba-har surat
Nazir phir unhen apni raza se kya matlab
