تیرے بھی منہ کی روشنی رات گئی تھی مہ سے مل
تاب سے تاب رخ سے رخ نور سے نور ظل سے ظل
Tere bhi munh ki raushni raat gai thi mah se mil
Taab se taab rukh se rukh noor se noor zil se zil
جتنے ہیں کشتگان عشق ان کے ازل سے ہیں ملے
اشک سے اشک نم سے نم خون سے خون گل سے گل
Jitne hain kushtagan-e-ishq un ke azal se hain mile
Ashk se ashk nam se nam khoon se khoon gil se gil
جب سے موا ہے کوہ کن کرتے ہیں اس کا غم سدا
کوہ سے کوہ جو سے جو سنگ سے سنگ سل سے سل
Jab se mua hai kohkan karte hain us ka gham sada
Koh se koh ju se ju sang se sang sil se sil
یار ملا جب اے نظیرؔ میرے گلے، تو مل گئے
جسم سے جسم جاں سے جاں روح سے روح دل سے دل
Yaar mila jab ai Nazir mere gale to mil gaye
Jism se jism jaan se jaan rooh se rooh dil se dil
