تدبیر ہمارے ملنے کی جس وقت کوئی ٹھہراؤ گے تم
ہم اور چھپیں گے یہاں تک جی جو خوب ہی پھر گھبراؤگے تم
Tadbir hamare milne ki jis waqt koi thahraoge tum
Hum aur chhupenge yahan tak ji jo khoob hi phir ghabraoge tum
بیزار کرو گے دل ہم سے یا منت در سے روکو گے
وہ دل تو ہمارے بس میں ہے کس طور اسے سمجھاؤ گے تم
Bezar karoge dil hum se ya minnat dar se rokoge
Wo dil to hamare bas mein hai kis taur use samjhaoge tum
گر جادو منتر سیکھو گے تو سحر ہماری نظروں کا
اس کوچے میں بٹھلاویں گے پھر کہیے کیوں کر آؤ گے تم
Gar jadu mantar seekhoge to sehr hamari nazron ka
Is kooche mein bithlawenge phir kahiye kyun kar aaoge tum
گر چھپ کر دیکھنے آؤ گے ہم اپنے بالا خانے کے
سب پردے چھوڑے رکھیں گے پھر کیوں کر دیکھنے پاؤ گے تم
Gar chhup kar dekhne aaoge hum apne bala-khane ke
Sab parde chhode rakhenge phir kyun kar dekhne paoge tum
گر جادو منتر سیکھو گے تو سحر ہماری نظروں کا
تاثیر کو اس کی کھو دے گا کچھ پیش نہیں لے جاؤ گے تم
Gar jadu mantar seekhoge to sehr hamari nazron ka
Taasir ko us ki kho dega kuchh pesh nahin le jaoge tum
تصویر اگر منگواؤ گے تو دیکھ ہماری صورت کو
حیران مصور ہووے گا پھر رنگ کہو کیا لاؤ گے تم
Tasvir agar mangwaoge to dekh hamari surat ko
Hairan musawwir howega phir rang kaho kya laoge tum
جو وقت نظیرؔ ان باتوں کی ہم خوب کریں گے ہشیاری
جو حرف زباں پر لاؤ گے تم پھر کیوں کر دکھلاؤ گے تم
Jo waqt Nazir in baton ki hum khoob karenge hushyari
Jo harf zaban par laoge tum phir kyun kar dikhlaoge tum
