ساقی یہ پلا اس کو جو ہو جام سے واقف
ہم آج تلک مے کے نہیں نام سے واقف
Saqi ye pila us ko jo ho jaam se waqif
Hum aaj talak mai ke nahin naam se waqif
مر کر بھی تہ خاک نہ آسودہ ہوئے آہ
اے عشق نہ تھے ہم ترے انجام سے واقف
Mar kar bhi tah-e-khaak na aasuda hue aah
Ai ishq na the hum tire anjaam se waqif
صیاد کی الفت سے پھنسے آن کے ورنہ
تھے کاہے کو ہم اس قفس و دام سے واقف
Sayyad ki ulfat se phanse aan ke warna
The kahe ko hum is qafas-o-daam se waqif
ملنے کا پیام اس سے کہو جا کے عزیزو
جو اس کے نہ ہو وصل کے پیغام سے واقف
Milne ka payam us se kaho ja ke azizo
Jo us ke na ho wasl ke paigham se waqif
اوروں سے قسم کھائیے اور ہم تو مری جاں
ہیں خوب تمہاری قسم اقسام سے واقف
Auron se qasam khaiye aur hum to meri jaan
Hain khoob tumhari qasam-aqsam se waqif
کوئی نہیں کرتا جو کیا تو نے نظیرؔ آہ
دل اس کو دیا جس کے نہیں نام سے واقف
Koi nahin karta jo kiya tu ne Nazir aah
Dil us ko diya jis ke nahin naam se waqif
