نیچی نگہ کی ہم نے تو اس نے منہ کو چھپانا چھوڑ دیا
کچھ جو ہوئی پھر اونچی تو رخ سے پردہ اٹھانا چھوڑ دیا
Nichi nigah ki hum ne to us ne munh ko chhupana chhod diya
Kuchh jo hui phir unchi to rukh se parda uthana chhod diya
زلف سے جکڑا پہلے تو دل پھر اس کا تماشہ دیکھنے کو
نظروں کا اس پر سحر کیا اور کر کے دوانا چھوڑ دیا
Zulf se jakda pahle to dil phir us ka tamasha dekhne ko
Nazron ka us par sehr kiya aur kar ke diwana chhod diya
اس نے اٹھایا ہم پہ طمانچہ ہم نے ہٹایا منہ کو جو آہ
شوخ نے ہم کو اس دن سے پھر ناز دکھانا چھوڑ دیا
Us ne uthaya hum pe tamancha hum ne hataya munh ko jo aah
Shokh ne hum ko us din se phir naz dikhana chhod diya
بیٹھ کے نزدیک اس کے جو اک دن پاؤں کو ہم نے چوم لیا
اس نے ہمیں بے باک سمجھ کر لطف جتانا چھوڑ دیا
Baith ke nazdik us ke jo ik din paon ko hum ne choom liya
Us ne hamen be-bak samajh kar lutf jatana chhod diya
