نہ مہ نے کوند بجلی کی نہ شعلے کا اجالا ہے
کچھ اس گورے سے مکھڑے کا جھمکڑا ہی نرالا ہے
Na mah ne kaund bijli ki na shole ka ujala hai
Kuchh us gore se mukhde ka jhamakda hi nirala hai
وہ مکھڑا گل سا اور اس پر جو نارنجی دوشالہ ہے
رخ خورشید نے گویا شفق سے سر نکالا ہے
Wo mukhda gul sa aur us par jo naranji dushala hai
Rukh-e-khurshid ne goya shafaq se sar nikala hai
کن انکھیوں کی نگہ گپتی اشارت قہر چتون کے
جو ووں دیکھا تو برچھی ہے جو یوں دیکھا تو بھالا ہے
Kan-ankhiyon ki nigah gupti isharat qahr chitwan ke
Jo wun dekha to barchhi hai jo yun dekha to bhala hai
کہیں خورشید بھی چھپتا ہے جی باریک پردے میں
اٹھا دو منہ سے پردے کو بڑا پردہ نکالا ہے
Kahin khurshid bhi chhupta hai ji barik parde mein
Utha do munh se parde ko bada parda nikala hai
کھلے بالوں سے منہ کی روشنی پھوٹی نکلتی ہے
تمہارا حسن تو صاحب اندھیرے کا اجالا ہے
Khule baalon se munh ki raushni phuti nikalti hai
Tumhara husn to sahib andhere ka ujala hai
نہ جھمکیں کس طرح کانوں میں اس کے حسن کے جھمکے
ادھر بندا ادھر جھمکا ادھر بجلی کا بالا ہے
Na jhamken kis tarah kanon mein us ke husn ke jhumke
Idhar bunda udhar jhumka idhar bijli ka bala hai
نظیرؔ اس سنگ دل قاتل پہ دعویٰ خون کا مت کر
میاں جا تجھ سے یاں کتنوں کو اس نے مار ڈالا ہے
Nazir us sang-dil qatil pe dawa khun ka mat kar
Miyan ja tujh se yaan kitnon ko us ne mar dala hai
