کیا ادا کیا ناز ہے کیا آن ہے
یاں پری کا حسن بھی حیران ہے
Kya ada kya naz hai kya aan hai
Yaan pari ka husn bhi hairan hai
اس کے رنگ سبز کی ہے چیں میں دھوم
کیوں نہ ہو آخر کو ہندوستان ہے
Us ke rang-e-sabz ki hai Cheen mein dhoom
Kyun na ho aakhir ko Hindustan hai
جان و دل ہم نذر کو لائے ہیں آج
لیجئے یہ دل ہے اور یہ جان ہے
Jaan-o-dil hum nazr ko laaye hain aaj
Lijiye ye dil hai aur ye jaan hai
دل بھی ہے دل سے تصدق آپ پر
جان بھی جی جان سے قربان ہے
Dil bhi hai dil se tasadduq aap par
Jaan bhi ji jaan se qurban hai
دل کہاں پہلو میں جو ہم دیں تمہیں
یہ تو گھر اک عمر سے ویران ہے
Dil kahan pahlu mein jo hum den tumhen
Ye to ghar ik umr se veeran hai
وہ بھی گر لینی ہوں تو لے جائیے
خیر یہ بھی آپ کا احسان ہے
Wo bhi gar leni hon to le jaiye
Khair ye bhi aap ka ehsan hai
آن کر مل تو نظیرؔ اپنے سے جان
اب وہ کوئی آن کا مہمان ہے
Aan kar mil tu Nazir apne se jaan
Ab wo koi aan ka mehman hai
