کہا جو ہم نے ہمیں در سے کیوں اٹھاتے ہو
کہا کہ اس لیے تم یاں جو غل مچاتے ہو
Kaha jo hum ne hamen dar se kyun uthate ho
Kaha ki is liye tum yaan jo ghul machate ho
کہا لڑاتے ہو کیوں ہم سے غیر کو ہمدم
کہا کہ تم بھی تو ہم سے نگہ لڑاتے ہو
Kaha larate ho kyun hum se ghair ko hamdam
Kaha ki tum bhi to hum se nigah larate ho
کہا جو حال دل اپنا تو اس نے ہنس ہنس کر
کہا غلط ہے یہ باتیں جو تم بناتے ہو
Kaha jo haal-e-dil apna to us ne hans hans kar
Kaha ghalat hai ye baaten jo tum banate ho
کہا جتاتے ہو کیوں ہم سے روز ناز و ادا
کہا کہ تم بھی تو چاہت ہمیں جتاتے ہو
Kaha jatate ho kyun hum se roz naz-o-ada
Kaha ki tum bhi to chahat hamen jatate ho
کہا کہ عرض کریں ہم پہ جو گزرتا ہے؟
کہا خبر ہے ہمیں کیوں زباں پہ لاتے ہو
Kaha ki arz karen hum pe jo guzarta hai
Kaha khabar hai hamen kyun zaban pe late ho
کہا کہ روٹھے ہو کیوں ہم سے کیا سبب اس کا
کہا سبب ہے یہی تم جو دل چھپاتے ہو
Kaha ki ruthe ho kyun hum se kya sabab is ka
Kaha sabab hai yahi tum jo dil chhupate ho
کہا کہ ہم نہیں آنے کے یاں تو اس نے نظیرؔ
کہا کہ سوچو تو کیا آپ سے تم آتے ہو
Kaha ki hum nahin aane ke yaan to us ne Nazir
Kaha ki socho to kya aap se tum aate ho
