ہو کس طرح نہ ہم کو ہر دم ہوائے مطلب
دیکھا جو خوب ہم نے دنیا ہے جائے مطلب
Ho kis tarah na hum ko har dam hawa-e-matlab
Dekha jo khoob hum ne duniya hai ja-e-matlab
جو گل بدن کہ آیا آغوش میں ہمارے
کچھ اور بو نہ نکلی اس میں سوائے مطلب
Jo gul-badan ki aaya aaghosh mein hamare
Kuchh aur bu na nikli us mein siwa-e-matlab
عشاق کی بھی الفت خالی نہیں غرض سے
مرتے ہیں یہ بھی اس پر جس سے برائے مطلب
Ushshaq ki bhi ulfat khali nahin gharaz se
Marte hain ye bhi us par jis se bara-e-matlab
کوئی کسی کے اوپر ہم نے فدا نہ دیکھا
منہ پر فدا ہیں لیکن دل میں فدائے مطلب
Koi kisi ke upar hum ne fida na dekha
Munh par fida hain lekin dil mein fida-e-matlab
مطلب کے آشنا کو ہو کس سے آشنائی
کب آشنا کسی کا ہو آشنائے مطلب
Matlab ke aashna ko ho kis se aashnai
Kab aashna kisi ka ho aashna-e-matlab
گر بزم رقص دیکھی تو واں بھی گوش دل میں
کوئی صدا نہ آئی غیر از صدائے مطلب
Gar bazm-e-raqs dekhi to waan bhi gosh-e-dil mein
Koi sada na aai ghair az sada-e-matlab
زیر فلک تو ہم سے جاتی نہیں تمنا
ہاں پھر فلک پہ جاویں جب ہم سے جائے مطلب
Zer-e-falak to hum se jaati nahin tamanna
Haan phir falak pe jawen jab hum se ja-e-matlab
وہ آبرو کہ جس پر کرتے ہیں جاں تصدق
اس کو بھی دے چکے ہیں اکثر برائے مطلب
Wo aabru ki jis par karte hain jaan tasadduq
Us ko bhi de chuke hain aksar bara-e-matlab
