ہر آن تمہارے چھپنے سے ایسا ہی اگر دکھ پائیں گے ہم
تو ہار کے اک دن اس کی بھی تدبیر کوئی ٹھہرائیں گے ہم
Har aan tumhare chhupne se aisa hi agar dukh paenge hum
To haar ke ek din is ki bhi tadbir koi thahraenge hum
بیزار کریں گے خاطر کو پہلے تو تمہاری چاہت سے
پھر دل کو بھی کچھ منت سے کچھ ہیبت سے سمجھائیں گے ہم
Bezar karenge khatir ko pehle to tumhari chahat se
Phir dil ko bhi kuchh minnat se kuchh haibat se samjhaenge hum
گر کہنا دل نے مان لیا اور رک بیٹھا تو بہتر ہے
اور چین نہ لینے دیوے گا تو بھیس بدل کر آئیں گے ہم
Gar kehna dil ne man liya aur ruk baitha to behtar hai
Aur chain na lene dewega to bhes badal kar aaenge hum
اول تو نہیں پہچانو گے اور لو گے بھی پہچان تو پھر
ہر طور سے چھپ کر دیکھیں گے اور دل کو خوش کر جائیں گے ہم
Awwal to nahin pehchanoge aur loge bhi pehchan to phir
Har taur se chhup kar dekhenge aur dil ko khush kar jaenge hum
گر چھپنا بھی کھل جاوے گا تو مل کر افسوں سازوں سے
کچھ اور ہی لٹکا سحر بھرا اس وقت بہم پہنچائیں گے ہم
Gar chhupna bhi khul jawega to mil kar afsun-sazon se
Kuchh aur hi latka sehr bhara us waqt baham pahunchaenge hum
جب وہ بھی پیش نہ جاوے گا اور شہرت ہووے گی پھر تو
جس صورت سے بن آوے گا تصویر کھنچا منگوائیں گے ہم
Jab wo bhi pesh na jawega aur shohrat howegi phir to
Jis surat se ban aawega tasvir khincha mangwaenge hum
موقوف کرو گے چھپنے کو تو بہتر ورنہ نظیرؔ آسا
جو حرف زباں پر لائیں گے پھر وہ ہی کر دکھلائیں گے ہم
Mauquf karoge chhupne ko to behtar warna Nazir-asa
Jo harf zaban par laenge phir wo hi kar dikhlaenge hum
