الطاف بیاں ہوں کب ہم سے اے جان تمہاری صورت کے
ہیں لاکھوں اپنی آنکھوں پر احسان تمہاری صورت کے
Altaf bayan hon kab hum se ae jaan tumhari surat ke
Hain lakhon apni aankhon par ehsan tumhari surat ke
منہ دیکھے کہ یہ بات نہیں سچ پوچھو تو اب دنیا میں
بے ہوش کرے ہیں پریوں کو انسان تمہاری صورت کے
Munh dekhe ki ye baat nahin sach puchho to ab duniya mein
Be-hosh kare hain pariyon ko insan tumhari surat ke
آئینہ رخوں کی محفل میں جس وقت عیاں تم ہوتے ہو
سب آئنہ ساں رہ جاتے ہیں حیران تمہاری صورت کے
Aaina-rukhon ki mehfil mein jis waqt ayan tum hote ho
Sab aaina-san reh jate hain hairan tumhari surat ke
کچھ کہنے پر موقوف نہیں معلوم ابھی ہو جاوے گا
خورشید مقابل ہو دیکھے اک آن تمہاری صورت کے
Kuchh kehne par mauquf nahin malum abhi ho jawega
Khurshid muqabil ho dekhe ek aan tumhari surat ke
کہ عرض نظیرؔ اک بوسے کی جب ہنس کر چنچل بولا یوں
اس منہ سے بوسہ لیجئے گا قربان تمہاری صورت کے
Ki arz Nazir ek bose ki jab hans kar chanchal bola yun
Is munh se bosa lijiyega qurban tumhari surat ke
