وہ آ کے خواب میں تسکین اضطراب تو دے
ولے مجھے تپش دل مجال خواب تو دے
Woh aa ke khwab mein taskeen-e-iztirab to de
Wale mujhe tapish-e-dil majal-e-khwab to de
کرے ہے قتل لگاوٹ میں تیرا رو دینا
تری طرح کوئی تیغ نگہ کو آب تو دے
Kare hai qatl lagawat mein tera ro dena
Teri tarah koi tegh-e-nigah ko aab to de
دکھا کے جنبش لب ہی تمام کر ہم کو
نہ دے جو بوسہ تو منہ سے کہیں جواب تو دے
Dikha ke jumbish-e-lab hi tamam kar hum ko
Na de jo bosa to munh se kahin jawab to de
پلا دے اوک سے ساقی جو ہم سے نفرت ہے
پیالہ گر نہیں دیتا نہ دے شراب تو دے
Pila de ok se saqi jo hum se nafrat hai
Piyala gar nahin deta na de sharab to de
اسدؔ خوشی سے مرے ہاتھ پاؤں پھول گئے
کہا جو اس نے ذرا میرے پاؤں داب تو دے
Asad khushi se mere haath paaon phool gaye
Kaha jo us ne zara mere paaon daab to de
