چاہیے اچھوں کو جتنا چاہیے
یہ اگر چاہیں تو پھر کیا چاہیے
Chahiye achchhon ko jitna chahiye
Ye agar chahen to phir kya chahiye
صحبت رنداں سے واجب ہے حذر
جائے مے اپنے کو کھینچا چاہیے
Sohbat-e-rindan se wajib hai hazar
Ja-e-mai apne ko khaincha chahiye
چاہنے کو تیرے کیا سمجھا تھا دل
بارے اب اس سے بھی سمجھا چاہیے
Chahne ko tere kya samjha tha dil
Baare ab is se bhi samjha chahiye
چاک مت کر جیب بے ایام گل
کچھ ادھر کا بھی اشارہ چاہیے
Chaak mat kar jeb be-ayyam-e-gul
Kuchh udhar ka bhi ishara chahiye
دوستی کا پردہ ہے بیگانگی
منہ چھپانا ہم سے چھوڑا چاہیے
Dosti ka parda hai begangi
Munh chhupana hum se chhoda chahiye
دشمنی نے میری کھویا غیر کو
کس قدر دشمن ہے دیکھا چاہیے
Dushmani ne meri khoya ghair ko
Kis qadar dushman hai dekha chahiye
اپنی رسوائی میں کیا چلتی ہے سعی
یار ہی ہنگامہ آرا چاہیے
Apni ruswai mein kya chalti hai sa'i
Yaar hi hangama-aara chahiye
منحصر مرنے پہ ہو جس کی امید
ناامیدی اس کی دیکھا چاہیے
Munhasir marne pe ho jis ki ummeed
Na-ummeedi us ki dekha chahiye
غافل ان مہ طلعتوں کے واسطے
چاہنے والا بھی اچھا چاہیے
Ghafil in mah-tal'aton ke waaste
Chahne wala bhi achchha chahiye
چاہتے ہیں خوب رویوں کو اسدؔ
آپ کی صورت تو دیکھا چاہیے
Chahte hain khoob-ruyon ko Asad
Aap ki surat to dekha chahiye
