غیر لیں محفل میں بوسے جام کے
ہم رہیں یوں تشنہ لب پیغام کے
Ghair len mehfil mein bose jaam ke
Hum rahen yun tishna-lab paigham ke
خستگی کا تم سے کیا شکوہ کہ یہ
ہتھکنڈے ہیں چرخ نیلی فام کے
Khastagi ka tum se kya shikwa ki ye
Hathkande hain charkh-e-neeli-faam ke
خط لکھیں گے گرچہ مطلب کچھ نہ ہو
ہم تو عاشق ہیں تمہارے نام کے
Khat likhenge garche matlab kuchh na ho
Hum to aashiq hain tumhare naam ke
دل کو آنکھوں نے پھنسایا کیا مگر
یہ بھی حلقے ہیں تمہارے دام کے
Dil ko aankhon ne phansaya kya magar
Ye bhi halqe hain tumhare daam ke
عشق نے غالبؔ نکما کر دیا
ورنہ ہم بھی آدمی تھے کام کے
Ishq ne Ghalib nikamma kar diya
Warna hum bhi aadmi the kaam ke
